ngaluluh taneuh: papagah abah bareto keur leutik kudu gorejag ulah kebluk bisi kapiheulaan ngaluluh taneuh; ngaluluh taneuh hartina ngokolakeun taneuh, macul tatanen, mun kebluk moal lega huma moal buncir leuit, macul kudu segut dahar kudu gede meh tanaga gede, nu daharna saeutik tanagana leutik ngahumana saeutik, beda jeung nu mumul kedul gawe huleng jentul ari nyatu meakeun batur, kanu kitu moal aya nu sudieun mulung minantu, eta mah jaman bareto jaman ayeuna mah kudu kudu kreatip sabab lahan sempit
· · Bagikan
- Wisahya Drs konsep ngutamakeun pangan 'eusi peujit' batan sandang papan geus jadi kautamaan luluhur supaya teu kalaparan sabab ari peujit mah kudu tetep dieusian unggal poe sedengkeun ari pakean 'bungkus kulit'mah cek paribasa ukur meuli taun kali dapon keur bungkus kulit malar teu buligir karuhun urang tara loba gaya tapi segut usaha tatanen keur mertahankeun sangkan teu kalaparan, komo papan mah tawa imah dapon pageuh, tah konsep eta tepi kakiwari masih tetep dipertahankeun,beh dieuna kudu pinter kudu motekar.......
- Wisahya Drs nya tuluy cena sarakola tawa guguru; aya elmu nu kudu ditalaan ku urang, dina bab guguru cenah saur abah: "mun hayang pinter kudu guguru kanu pinter, mun hayang beunghar kudu guguru ka nu beunghar, mun hayang bisa tatanen kudu guru ka patani, mun hayang bisa dagang kudu guru ka sodagar, mun hayang pinter ngaji kudu guru ka kiai", eta konsep geus nyampak di luluhur urang sunda, da teu bodo urang sunda mun urang ngalenyepan matak hookeun dina widang widang tinangtu, tapi tangtu aya widang anu masih keneh krg.
- Wisahya Drs tukang tani disebut bulu taneuh dina hal ieu karuhun geus motekar pisan dina hal tatanen pepelakan keur dahareun sabangsaning bubuahan dadaunan jeung beubeutian eat sakabeh dipelak keur eusi peujit, tuluy beh dieuna ngabedah sawah nyieun dawuan nyieun susukan ngulur cai pikeun nyawah melak pare jeung nyieun balong miara lauk, diwuwuh ku nyieun kandang keur ingon ingon, samemehna munding sapi domba embe di abur di samapalan di pangangonan boga husus sapasir sewang pangangonan tawa babarengan teu sewang2an.
- Wisahya Drs sanggeus nengetan hal di luhur kacida pisan soson sosonna karuhun urang mertahankeun kahirupan malar langgeng teu kalaparan teu bodo supaya terus ayana jeung terus maju ulah katinggaleun ku bangsa lian; ceuk abah kieu:"cik atuh barudak maraneh mah kudu leuwih palinter peupeuriheun abah ukur bisa kieu" amanah eta ngandung harti pangarti kudu kudu diembohan ulah ngarasa cukup ku nu geus aya nurutan kolot sabab jaman geus beda ngan kadaek oge kudu tetep dironjatkeu ulah tibalik sanggeus pinter nyangking gelar
- Wisahya Drs ulah tuluy mumul turun ka kotakan gelar ulah jadi panghalang pikeun daek ngokolakeun taneuh sabab ari pepelakan teu bisa hirup tina keretas puguh keretas asalna tina pepelakan, nu kudu ditalaah dikaji dilenyepan deui sanggeus urang pinter naha bet mumul tatanen bet jadi ngarasi gengsi, lamun euweuh patani urang nek dahar naon da keretas mah teu bisa didahar, tuluy mun loba duit euweuh beulieun beas jeung sabangsa pangan nu sejen pan tetep bakal kalaparan, jadi nu luyu jeung papagah abah kudu motekar
- Wisahya Drs aya sababaraha unsur nu kudu diperhatikeung dina ngokolakeun taneuh tawa ngaluluh taneuh sangkan lestari bari mucekil hasilna nyaeta: klimatologi, konservasi,hidrologi,astro
nomi, soilogi,ekologi,watersheed ologi, da geus palinter ayeuna mah ngan nu tadi tea mun geys pinter poma ulah mumul ka kotakan terapkeun elmu teh amalkeun bere conto batur meh narurutan meh leuwih sajahtra, tong madungdeng sapedah lahan sempit, puguh nu kudu fikoreh teh kumaha carana lahan sempit sangkan mere hasil nu mucekil, kitu tah. - Wisahya Drs elmu diviserfikasi tanaman , tumpangsari tumpanggilir pepelakan, elmu teknologi produksi pertanian elmu arsitek produksi pertanian geus meujeuhna dibuka di paguron luhur kacida diperlukeun pisan pikeun nyumponan bubutuh pangan, patani oge kudu pinter, ulah bodo wae 'gawe otak lain gawe otot'geus meujeuhna dipilampah dina mangsa kiwari meh teu katingaleun wae ku bangsa deungeun. kudu barisa 'ngonsep rancang tanam rancang produksi' ameh taneuh mere mangpaat nu luyu jeung harepan, nu matak taneuhna kudu diurus
- Wisahya Drs akang nuju penyuluhan ngalangkungan selular mobile supaya aweuhana langkung luas, materi ieu tiasa diangge ku saha wae anu gaduh karep keur ngaronjatkeun produktipitas sareng kalestarian sumberdaya alam khususna lahan pertanian elmu tatanen jsb,nuhun kana perhatosan ceu guru, euceu oge tiasa ngagosipkeu ieu materi bari sisiaran di golodog, batan ngagosip nu teu puguh mending ngagosip aya aki aki gaul jaba duda jaba pinter jaba kuat mindo kituh, hehe23 jam yang lalu melalui seluler ·
1
Tidak ada komentar:
Posting Komentar