Mulasara nu maot di lebak biru, kulawarga moncor kana pasaran nu rek miang ka astana, bari menta pangampura ka nu ngantunkeun, istri pamegetna ngalisankeun talak, rengse nguburkeun diteruskeun ku hajat nyusur tanah, ngarasulkeun terus tahlilan disebut poeanana, kadua poena tahlil, tiluna poe katilu ngarasulkeun deui, poe kaopat tahlil, poe ka lima tahlil, poe ka genep tahlil, tujuhna poe katujuh ngarasulkeun. Matangpuluh poe ka opatpuluh, ngarasulkeun bari buka waris. Neket ka lima puluh poe na ngarasulkeun, natus ka saratus poena ngarasulkeun, bari terus nyieun papaes dikikis ku batu Beulah atawa batu asli, ngaganti tetengger awi tawa kai ku tutunggul batu.mendak taun ninggang poean sareng tanggal bulan taun nu kaliwat, ngarasulkeun, mendak taun nu kadua, ngarasulkeun tahlil, newu ninggang ka sarebu poe, tahlil ngarasulkeun, diteruskeun ku mendak taun deui, ngarasulkeun tahlil. Ngembang ka kuburan mun lebaran atawa poe sejen nu luyu jeung kapentingan saperti nek boga maksud, sapetti nek boga hajat, jst. Ngiriman unggal malem jumaah ngaduakeun ahli kubur yasinnan.
Tidak ada komentar:
Posting Komentar