Lenyepaneun

Sapanjang urang gumelar

ulah kendat nya ihtiar

elmu tungtut dunya siar

nu awon wajib disinglar.

Mun nyaho bejaan batur

mun boga berean batur

mun kaduga bawaan batur

mun wasa ajakan batur,

Rejeki halal ladang tani

rejeki halal ladang dagang

rejeki halal ladang buburuh

rejeki halal ladang menta.

Elmu teu beurat nyunyuhun

pangabisa teu hese mamawa

pangaweruh gawe nu weruh

pangarti gawe nu ngarti.

kajeun panas tonggong batan panas beuteung

kajeun teu boga batan boga beunang basilat

kajeun leutik asal mayeng

kajeun cape asal halal.





Amal ku elmuna
amal kuhartana
amal ku tanagana
amal ku duana