Wisahya Drs
2 jam yang lalu
PUNIKA MAPAG LEBARAN; di lembur mangsa kapungkur samaeh acan aya alat komunikasi model kiwari. Ti tanggal lima likur geus hempak merrsihan astan Gede, sok dicacar malah sok diduruk da puguh rembet bala, tuluy ku kulawargana dibeberes eta astana teh. Sok tuluy jakat fitrah ku beas dipanggul kana karung nu ngelek boboko kumaha lobana jiwa we, beasna nu alus; sok ditarima ku lebe. Piisukaneun ka leba
ran sok sibuk nyieun upet keur ngembang, nyieun kupat daun kalapa jeung dumpi daun awi. sok meuncit hayankeur numpeng keur nyalametkeun, ngiriman ka karuhun atawa ka nu tos teu aya di kieuna, ku pakean sapangadeg. ti isuk eta teh ngasakan dahareunkeur nyalametkeun, Subuh keneh geus ngabedahkeun balong, tengah poe sok geus asak tumpeng teh; nyalametkeuna pasosore, tukangngadoa sibuk ka unggal imah kadang sok aya nu kabagean peuting tawa isukna deui poean lebaran, Da harita mah nu bisa ngadoa teh ukur aki kuncen jaba tos sepuh; ikralna lancad laer ja ujubana imeut pisan sakabeh karuhun disebatan ditambah husus karuhun nu boga hajat, tara disinget, kitu we beres di hiji imah pindah ka imah nu sejen da geus ditungguan, idangana dianteurkeunka bumina. saboboko metung. Dina hajat nyalametkeun sok aya cai dina ergelek jeung kembang rampe jeung meunyan keur isukan ngembang ka astana. Barudak mah sok guyang kuramas awewe lalaki, bareng jeung ngamandian domba kukutan masing masing, mun domba teu di bawa harita sok isukna dimandian di Cibayawak da isukan rek lebaraN. Tengah poe dur dulag, sok tuluy buka da dahareun geus loba geus arasak; sok ngahaja meuleum lauk, di cobek. Pakean keur isukna lebaran teh sok dipake heula ngiriman karuhun isukna dipaqke lebaran. Peutingna TAKBIRAN di Tajug, resep sok loba tumpeng sok dibagi ku kolot sabungkus sewang, sok parebut ngadulag silih sred parebut panakol bedug, lembur eundeur ku sora dulag. Beres solat lebaran tuluy sasalaman, tuluy dahar deui tumpeng, tuluy ngembang ka astana,make baju weuteuh, saparat jalan sasalaman jeung sakur jalma nu tepung, rek wawuh rek hanteu, bari nyebat 'LEBARAN'.kitu deui datang ka astana hayoh we sasalaman, ngajingjing ergelek upet nu geus meunang ngaduruk mani ngelun, datang ka astana sok nyeungeut menyan, haseupna mani ngelun disada peperepetan jaba seungit, disarandekeun kana tetenger. tuluy hadiah deui beres hadiah, ngadoakeun ka karuhun tuluy tetengerna dikucuran cai tina ergelek, kembang rampe diawurkeun, kana astana, berers hadiah nyeungeut merecon salantay, diastana teh rame dor dar patembalan ku sora merecon. KARUHUN DI[APAY KABEH UNGGAL ASTANA, imeut tara aya nu kaliwat , mun can kaburu poe harita sok isukna deui wawarian,kitu jaman harita mah.
Batal Suka · · Bagikan
Anda, Marlina Dewi Fahk Rozzi, Lhamilla SagitaFernanda Alshierazy, dan 7 orang lainnya menyukai ini.
Tidak ada komentar:
Posting Komentar