PUNIKA NGADURUK LAMPING PIHUMAEUN; dina usum halodo saperti ayeuna nu keur karandapan, waktu nu hade pikeun tatahar pihumaeun. Mun pihumaeun arek diduruk, kahade kudu didangdang heula, didangdang teh dicacar heula dina wates bisi seuneu ngalentab ka kebon batur, dangdangan nguriling wates, rubakna antara satumbak oge cukup atawa kurang gumantung kana kaayaanwae, malah bisa leuwih ti satumbak amun durukeun oyodan mah.Cara ngamimitian ngaduruk kudu nangtanganginulah saarah jeung anging, amun angin datang ti beulah kidul maka ngaduruk kudu ti beulah kaler, ameh seuneu teu bedas teuing. Jeung amun dina lamping, ngahuru kudu ti ruhur heula, sarua maksudna meh seuneu teu rongkah. Tatapi amun hayang tereh mah, kudu saarah jeung arah angin, jeung kudu tihandap heula mitembian ngahuru pihumaeun teh, ngan omat kudu aya batur pikeun ngajaga bisi seuneu rongkah, bisi luncat ka kebon batur, geuwat digebug ku regang nu daunan, atawa diawuran taneuh ngalebu. Ngan upama teu kabedag bisi seuneu ngamuk mah, salametkeun jiwa we. Waktu ngahuru kudu subuh meh hawa tiis keneh aya keneh ibun dina durukeun, seuneu bakal leuleuy, Dipahing nghuru tengah poe ereng erengan, seuneu moal katahan, bakal luncat ka kebon batur. Adab adabanana kudu aya duwegan kalapa hejo, tumpeng teri, rurujakan, cai atah salodong, kahade ulah make ruhak parukuyan jeung sesepeun, kudu aya hihid deuih.
· · Bagikan
Wisahya Drs Bisa dibarung diadu seuneu diduruk ti luhur ti handap, engke tepung seuneu di tengah tengah, seuneu bakal pareum ku sorangan.- Wisahya Drs Ieu cara bisa ngahemat beya ngolah taneuh, taneuh urut ngaduruk hade pepelakanana matak ,tapi aya kacawadna sagala tutuwuhan bakal kaduruk, komo nu leutik keneh mah, tapi tangkal nu badag mah biasana kuateun tara paraeh ukur cacad urut kaduruk saheab,dauna bakal perang harita mah ngan engke oge bakal daunan deui.
- Wisahya Drs Tina lahan anu tas diduruk dina sacur hujan bakal tereh jaradi sisikian polong polongann kayaning cucuk buset, petetan sengon, jeung jukut gorejagm
- Wisahya Drs Saenyana tina lahan anu diduruk teu perlu dipacul deui lantaran taneuh meunang ngaduruk mun sacur hujan sok hipu tinggal ngaseuk sisikian atawa ngahuma, taneuhna ngepros hipu lantaran tas kapanasan jeung ngandung gemuk organik tina lebu durukan.
- Wisahya Drs Taneuh anu tas diduruk sok alus beubeutian sok baradag lantaran taneuh jadi hipu tur subur, saperti hui, ganyol, suweg, gadung, sampeu, boled, taleus, sagu,kentang ngekngek,jsb
- Wisahya Drs Durukan bisa dimanpaatkeun keur ngolah taneuh, nu irit jeung matak subur kana taneuh, matak alus tatanen
Tidak ada komentar:
Posting Komentar