ARAK ARAK TUJUHWELAS AGUSTUS; nyoreang ka tukang basa keur mangsa sakola dasar (sd), ti sakola esde Nnggerang Pasiringkik, ngabring ka Demaraja ka alun alun Sukaratu. Sajajalan leumpang nyeker marawa bekel timbel sangu dibungkus ku elap dijingjing ku leungeun kenca, ari leungeun katuhu ngacungkeun bandera leutik tina keretas endog, bari teu repeh mun pasarandog jeung batur atawa aleutan ngaliwatan
batur sok ngucapkeun " MERDEKA", atawa ngawih 'HALOW HALOW BANDUNG". Tepi ka alun alun dibariskeun nurutkeun saha nu heula datang; ngaredes hidmat pisan, bandera anger ngacung, tepi ka rengse upacara detik detik KAMERDIKAAN INDONESIA. Rengse upacara tuluy milu ngambring ARAK ARAKAN DILUKEUN KA DESANA MASING MASING. Rupa rupa kamonesan, loba jampana nu dikentengan ku opak sampeu, jerona rupa rupa kadaharan, sok aya barongsay, aya reak, aya bebeledugan tina lodog minyak tanah, rupa rupa kamonesan ti unggal desa ditembongkeun sokaya kukudavrenggongan tina bilik susurina ku kembang uyun nu sok dijieun sapu,papada hayang meunang jadi juara, sok dipeunteun ku pagawe kacamatan, sok dihadiah. Mun geus beres milu arak arakan sok milu nyokotan kadaharan tina jampana tea, mani sok atoh mun nimu dahareun teh, tuluy sok ngadon dahar di pasar Demaraja murak timbel; geus beres dahar mah ngalabring deui baralik, da harita mah sugan tara nginum mun tas dahar teh da tara dibekelan cai, ukur timbel wungkul, balikna mah sok jempe tara "MERDEKA" DEUI CARA KEUR INDITKEUN, cape meureun.
Tidak ada komentar:
Posting Komentar