MAKAM SIRAH CIPAKU

MAKAM KARAMAT SIRAH CIPAKU; perenahna kajalanan ka makam Prebu Tajimalela, aya tilu makam kahiji EMbah Jagalawang beulah wetan barang jol, kadua nu tengah Embah Prebu Siliwangi, katilu beulah tonggoh Eyang Semar,

Di dinya aya monyet jumlahna opat puluh, kungsi kapanggih monyet jalu kumisna kawas lalaki jelema, monyet sirah cipaku kungsi arek diala kabeh, ngan malimna teu sanggupeun ngala lantaran cenah katingalina jalma.

Makam Eyang Semar cenah eta makam leuwih kolot batan nu dua, hanjakal sok disalahgunakeun dipake ngetek ku jalma nu hayang beunghar, nu ngagadekeun umur nu hayang ngalaman maot dua kali.

Mineng kapanggih aya monyet bikang nu anyar sik carinakdak ceurik, jaba sok dipolonco ku monyet jalu anu geus heubeul di dinya pada numpakan, kungsi oge aya monyet bikang dianting, kungsi deuih aya monyet anakan ditembak, memeh hos paeh mikeun heula anakna ka nu ngabedil, aya monyet jalu nu satangtung budak jelema sok megat nu ngaliwat di jalan tonggoheun makam, nu dipegatna awewe jelema bari ngaragapan siritna, - monyet badeur -; cenah ceuk nu nyaritakeun.

Mamang kungsi ngaliput eta sakabeh monyet nu aya di makam sirah cipaku, ngan poho kaset videona duka dimana, anu aya monyet kumisan jiga lalaki jelema tea, harita mah mamang can wanoh jeung fesbuk atawa blog, munj harita geus bisa mosting mah pasti bisa nembongkeun hasilna, ayeuna mah caritana wae nya, da cenah monyet nage geus diracun ku jelema eusleum.