Nyalusur makam Uyut Djagu

Ampir leungiteun lacak makam Buyut Djagu di astana Kebon Eurih blok pojok dusun Nangerang Desa Cinangsi Kacamatan Cisitu Sumedang Jawa Barat.

Sakumaha anu geus dipedar tiheula yen Buyut Jagu asal Limbangan Garut dungkapna ka Nanggerang Darmaraja Sumedang utusan ti Dalem Limbangan Imbanagara nyaosan pamudutna Dalem Sumedanglarang kanggo tugas ng

ajarkeun agama islam sabage ustad muda mangruparombongan anu ditempatkeun di masing masing wilayah Sumedanglarang bagean kidul.

Ngeunaan makam Buyut Djagu aya sababaraha persi , diantarana tutunggulna anu jiga tatapakan batu, tutungul anu tihang batu , tutunggulna anu jiga batu ceper .

Saenyana tiheula kungsi nyekar ka makam BUyut Djagu anu jiga tatapak disagedengeunna aya makam anu tutunggulna batu anu rinti jiga tapak rinyuh perenahna aya di petakan handap beulah kaler , tapi ayeuna teu katimu deui , aya oge anu di petakan luhur anu tetengger batu pipih jeung tetengger batu tihang anu geus potong , didinya katimu makam heubeul tina hatu alam aya sababara makam heubeul  tapi sundek kapanjangna pondok kalebarna heureut, keur dipaluhur alesanna can aya kasimpulan.

Poto iyeu anu tetengger batu pipih.

C A R I T A P A N T U N

Carita 

Jejer

Lalakon anu dicaturkeur ku juru pantun anu haleuangkeun nurutkeun pakem wirahma tur dipirig ku jentrengna pantun.

Pantun

Kacapi gede anu wangunna juga lisung melengkung nu sok dipake mirig haleuang juru pantun.

Juru Pantun

Dalang pantun anu nyaturkeun galur lalakon.

Nyaturkeun

Nyaritakeun lalakon atawa mantun numutkeun pakem wirahma.

Pakem

Aturan nuliskeun pada carita jeung aturan ngahaleuangkeun anu dipirig ku jentrengna kacapi gede pantun.

Mantun 

Ngalalakonkeun pantun ku juru pantun anu di mimitian ku rajah bubuka pantun eusi lalakon jeung rajah panutup pantun.

Rajah 

Pakem bubuka pantun anu eusina amitan ka Nu Maha Agung menta dilancarkeun mantun salamet nu mantun salamet nu nanggap pantun salamet nu lalajo pantun salamet nunulis pantun salamet nu maca pantun , aya rajah bubuka rek ngamimitian mantun jeung rajah panutup geus rengse nyatur pantun.

Rajah bubuka

Pun

Sapun 

Ka Nu Maha Agung

Ka pernabi ka perwali

Ka permalikat

Ka ibu nu ngandun

Ka bapa nu ngayuga

Ka ibu nu teu ngandung

Ka bapa nu teu ngayuga

Ka nini paraji batin

Ka aki paraji batin

Ka guru batin

Ka dulur batin

Nu dulur nu opat 

Kalima pancer

Sareng ka Aki Baju Rambeng

Nu boga lalakon

Nu linggih di pasirkidul

Miwah ka sadaya karuhun

Nu sumare di makam girang

Ka Eyang Perebu Siliwangi

Ka nu sumare di gunung lingga

Eyang Prebu Tajimalela

Batara Tungtang buana

Ka nu linggih di Cikeusi

Ka perebu Surya Ageung

Ka nu linggih di gunung padang

Ka Resi Ajar padang

Ka nu lingih di gunung sakti

Ka Ki Ajar Sakti

Ka nu linggih di pasarean gede

 Perebu Lembu Agung

Ka sumare di Cipeueut

Embah buyut haji

Ratu istri Nawang wulan

Resi Agung Bimaraksa

Ka nu linggih di cicanting

Perebu Gajah Agung

Ka nu sumare di gunung nirmala

Perebu Balung Tunggal

Perebu Mundinglaya di Kusumah

Ka Ratu Galuh

 nu calik di gunung penuh

Ka Eyang Palita Eyang kaca kaca

Nu linggih di cisema

Ka karuhun nu sumare 

Di Nanggerang kidul

Ka Kiyayi ka Aom ka Ibu ka Mataram

Ka nu lenggah di curug emas

Perebu Aji Putih Panungtung

Nu sumare di pajaratan kebon tiwu

Demang Santapura

Kanu linggih di ciwangi 

Embah mandor

Ka Eyang istri eyang pameget

Ni linggih di lemah beureum

Ka nu linggih di gunung puyuh

Pangeran Sugih 

Pangeran Mekah

Ka nu linggih di pasarean gede

Ka Pangeran Satri 

Ratu istri Pucuk Umun

Mugi sing diangken 

Umat kanjeng nabi

Lebet ka sawargana Gusti Allah 

Amit kula seja ngalalakonkeun

Lalakon anu baheula

Nu kungsi aya

Hampura 

bisi aya salah ucap

Bisi lepat nyebat

Bisi aya karuhun

Nu teu kasebut

Nyuhunkeun perbuka 

 salamet dunya aherat.

Eusi carita pantun

Sakumaha numutkeun jejer

Mundinglaya Di Kusuma

Ciung Wanara

Gagak Lumayung

Kanjeng Nabi Adam Babu Hawa

Jeung salian ti eta

Lalalokn pantun 

Nimutkeun sepuh aya saratus

Imeut dicaturkeun ti awal 

Dugi ka ahir teu hade diliwat

Ruruba 

mantun

Susuguh kumplit

Puncak manik 

Congcot sangu pera make endog

Hayam bakakak hayam bubur beureum

Bubur bodas kelepon goreng ulen peuyeum ketan hideung opak wajit cau raja sate maranggi , beuleun lauk emas beureum

Sesepeun 

Roko keretek 

Gudang garem beureum surutu adipati

Roko dun kawung bako tampang banget

Madat zenewer samsu revil jarum coklat upet tambang kahade ulah sabatang kudu saselop meh anu nulis kabagean

Tektek 

Lemareun kanggo karuhun itri pameget

Seureuh beureum apu gmbir laja kapol jambe bako tampang eukeur nyisig

Sadiakeun rorojehna bisi karuhun tos ompong.

Rajah Panutup

Geus punah lalakon 

Nu dilalakonkeun

Geus tamat ieu carita

Hanpura bisi aya nu teu kasebut

Bisi salah nyebut

Bisi tisorodot omon

Ti soledat letan

Neda agung cukup lumur

Neda jembaar panganpura

Cag

Urang teundeun di handeuleum sieum

Urang tunda di hanjuang siang

Paranti nyokot ninggalkeun

Pieun guareun deui

🌹♥️🌹

Pantun Priangan

Pantun Sumedang

Diwangun ku juru pantun jeung alok dipirig ku dua wadrita  pantun kacapi gede anu jiga lisung jeung kecrek  ,  gawen juru pantun atawa tukang pantun atawa dalang pantun nyeta nyaturkeun lalakon pantun , nyaturna dihaleuangkeun dipirig ku sora pantun anu dipetik ku dalang , demi tugas alok mah ngalokan bari nakol kecrek ngamairan dimana lamun butuh pikeun  ngaramekeun nu ditakol ku alok , supaya teu monoton.

Dina nanggap pantun lengkep rurubana atawa susuguhna atawa pupulurna sab loba deui karuhun anu disambat diujubanna oge , anu utama congcot sangu pera bakakak hayam jago cobek luk emas beureum oge kudu aya keur tuangeun anu nulis ,cikopi pait cikopi amis duwegan kalapa hejo, bubur beureum bubur bodas roko keretek cap upet tanbang jarcok samu repil  surutu jeung tek tek wawangina minyak lambe jeung nyeungeut menyan  jeung madat jgelun dina dina parukuyan mulek , tah ieu kaasup anu utama nu kasebut dina  dina rajah pantun " bul kukus mendung ka manggung ka manggung ka sang rumuhun ka batara ka batari kasadaya karuhun nu wajib di rahmat di kembang , amit kula bade mantun nya mantun carita karuhun, palias neres narutus palian narajang alas , menta lancar dina nyatur , salamet anu nyatur salamet nu dicaturkeun , salame nu nanggap pantun salamet nu lalajo pantun, salamet sarereya.

Lalakon pantun

Mundinglaya di kusumah

Kanjeng Nabi Adam Babu hawa

Ciung Wanara

Gagak Lumayung

Jeung rea rea deui

Poho deui

Nanggap pantun

Di nu kariaan

Di nu kawinan

Di nu ngaruat budak nunggal

Di ngaruat lembur.

Mantun

Sapeuting jeput teu meunang disinget

Kudu dipapay dilalakonkeun

Di kawit dugi ka ahir

Komo lamun di nu ngaruat mah 

Teu meunang balik memeh anggeus

Sok dipegat sanekala

Kudu tepi ka parat lalakon

Tapi tengah peuting mah 

Sok eureun heula 

Juru pantun tuang leueut heula

Nyesep heula

Nu lalajo mah ngarenah 

Udud ngepluk

Bari barang dahar 

Orokaya tukang pantun 

Jeung alok mah

Jongjon ngalalakon

Geus beres reureuh lalakon

Dipaju deui tepi k tamat 

Kadang lalakon anu panjang mah

Sok tepi ka bray beurang malah tepi ka moyan.

Iyeu caritanu dicaritakeun ku

Juru pantun baheula keur ngora

Sok rajeun ngadengekeun carita

Pantun Alm. Aki Ca'i urang 

Pasirmuncang Situraja

Ampir lima puluh taun katukang.

Tilemna pantun

Bisa jadi ku alatan

Juru pantun tilar dunya

Teu aya deui nu nanggap pantun

Muga pantun ditaranggap deui

Supaya seni pantun sunda teu sirna.

Saestuna seni pantun teh carita anu dihaleuangkeun dipirig ku dua waditra pantun jeung kecrek di caturkeun ku juru 

Pantun diwuwuh ku juru alok.

Mun aya katerangan nu kaliwat mah sugan ke rineh diasel deui

Ayeuna mah rek udud heula nya

Sakitu nu kapihatur

Nyanggakeun sabrang salayan

Lebet ka cabe henteu

Sakitu urang tunda heula sugan ke 

kasampeur deui.🌹

Hampura bisi aya nu salah nyaritakeun atawa sah ngetik.