|
|
UZTAD HATIM AL ASOM nu boga alpukah
nepungkeun dulur sakaruhun pagaden dina acara haolan kaliwonan, anu diluuhan
ku para sesepuh Sekeseler pagaden di buruan madrasah LATHOIFUL ASROR, dina ieu acara
utamana sangkan dulur sakaruhun pagaden teupareumeun obor, ngaraketkeun deui silaturahim, bari
nyukcruk elmu jeung budaya karuhun pagaden, ulah waka goreng sangka ka
karuhun nganggap musrik pedah sok nyeungeut menyan, saencana dipaluruh jeung
dicukcruk maksud jeung tujuan katut caran.
Yaya wakil sesepuh pagaden dina
biantarana negeskeun yen teu sakabeh pagawean karuhun alus, jeung teu sakabeh
pagawean karuhun goreng, anu luyu jeung sareat agama islam pek taruluykeun ku
turunan pagaden, tapi omat budayana kudu dirumat ulah kasilih ku budaya deungeun,
 |
| Drs Wisahya sareng Uztad Hatim Al Asom |
pagaden asalna saimah sasumur sumurna aya tepi ka kiwari. Dina
upaya nyucruk galur karuhun pagaden aya sababaraha tarekah supaya kabuka
silsilah anu ngaruntuy seke selerna karuhun pagaden. ku ayana acara nyambut
sasih saum sakaligus haol karuhun pagaden sakabeh warga pagaden tur anu
ngumbara ka lembur sejen diulem kanggo ngahadiran acara haol, sahingga sadaya
ngumpul tepung ngariung ti anom dugi ka sepuh budak leutik teu kaliwat,
runtuyan acarana nyaeta maos sholawat di iringan ku terbangan, saterasna
sambutan ti tokoh kasepuhan sareng ti pimpinan majlis Ta,lim Lathoiful Asror. saatos
rengse eta dilajeng kana hadiah ka karuhun nu dipimpin ku ustad Hatim kanggo
hadorohan sadaya karuhun ti pagaden teu di wilah hiji-hiji. Ngan masih keneh
teu acan tuntas dina raraga nyukcruk galur karuhun kumargi ieu tarekah kasebat
nembe bubuka masih keneh aya runtuyan karuhun anu nutup keneh ngan
bakal aya tarekah dina sataun kapayun bakal disawalakeun sakabeh karuhun di
pagaden kucara nyaeta kahiji nu disebat buku dunya nu kadua buku
akherat (Kaca Trenggana) ieu nu kadua jalan terakhir upami dina ieu saatos
acara kempel ngariung kasepuhan ngaguar ngabuka seke seler karuhun pagaden aya
nu teu kabuka. Insya Allah ku ayana haol ieu aya sababaraha hasil nu bakal
manfaat pikeun turunana kahiji bakal di bukukeun runtuyan karuhun ti pagaden,
kadua bakal apal yeun saenyana dulur teh loba sahingga jeung dulur bakal pada
silih mikanyaah silih tulungan silih elingan.
 |
| Sekeseler Pagaden |
 |
Dialog nuju nyucruk galur karuhun Pagaden |
