Sangkuriang belaan ngabohong ka ibuna nyebutkeun ati uncal padahal nu sabenerna eta ati Si Tumang bakating ku tumut ka nu janten ibu anu mundut ati uncal ka putrana.
Teu jauh ti Cibudah aya hiji tempat anu disebut Ranggon , aru ranggon tegesna saung jungkung luhur kolong , paranti Dayang Sumbi ninun boeh rarang tepi ka sagede gulungan kasur anu engkena didingdingkeun ti gunung surian tepi ka gunung jagat dijieun kingkilaban palsu pikeun nyalametkeun diri ngabolaykeun oleng panganten di talaga sipatahunan.
Di cibudah mangrupakeun padumukan ibu Dayang Sumbi jeung tempat patilasan makam ibu Dayang Sumbi jeung patilasan makam bapa Si Tumang, ngan kadua patilasan eta teu pati populer di kalangan masrakat di dinya jeung sakitarna , kajaba saeutik anu weruh kana eta kadua patilasan , padahal carita Sangkuriang Kabeurangan kacida populerna di kalangan masrakat tatar sunda.
Tempat sejen anu ngadukung kana tempat padumukan Dayang Sumbi jeung tempat jinun nieh rarang, oge aya gunung simpay tempat dibabarkeunna Dayang Sumbi Nyi Larasati , Ciputri tempat digedekeunna Dayang Sumbi , Gunung Sunda kuloneun Cieanca tempa Sangkuriang latihan moro jeung mentang panah ngalempag tumbak kabuyutan, anu dikatih ku aki panumbak guruna Sangkuriang.
Tulisan di luhur ieu numutkeun carita Sangkuriang kabeurangan versi walungan Cimanuk di wewengkon Darmaraja Sumedang.
Tidak ada komentar:
Posting Komentar