NEJRAG OROK NU KARAEK LAHIR: OROK NU KAREK LAHIR TULUY DIPOTONG TALI ARI ARINA KU HINIS TULUY DIMANDIAN TULUY DIBEDONG TULUY DIWADAHAN KU AYAKAN DINA TALUPUH, DIGIGIREUN AYAKAN NU AYA OROK DITUNDAAN BEAS DINA UNEM NU MAKE DUIT KENCRING, TULUY DITENJRAG KU INDUNG BEURANG; MIMITI NENJRAG KU NATAAN NGARAN POE LUYU JEUNG WETONNA, MUN OROK LAHIR POE AHAD, MAKA NEJRAG DIMIMITIAN KU NYEBUT NGARAN POE. GUJRAG AHAD, OROK NGARENJAG, BEAS NU DINA UNEM MUNCRAT JEUNG DUIT BENGGOL PLOS KA KOLONG, DIPULUNG KU BUDAK, ETA PERTANDA OROK BAKAL JADI JALMA BEREHAN, NEJRAG 7X PARAT NEPI KA POE SAPTU, OROK SOK NGAGOAR CEURIK, ENGKENA OROK MUN GEUS GEDE MOAL REUWASAN DAN GEUS DITENJRAG KU MA PARAJI. NU KADUA DITENJRAG BARAI DIPAPAGAHAN NGEUNAAN LALAMPAHAN PANCADRIA DIMIMITIAN TINA PANON, KANA CEULI, KANA SUNGUT, KANA LEUNGEU, KANA SUKU, DIEMBOHAN KU PANCA TUNGGAL KANA LARANGAN. MANGKA ULAH SADEULEU DEULEUNA MUN LAIN DEULEUEUNANA, ULAH SADENGE DENGENA MUN LAIN DENGEEUNANA, ULAH SAOMONG OMONGNA MUN LAIN OMONGKEUNEUNANA, ULAH SACOKOT COKOTNA MUN LAIN COKOTEUNANA ULAH SATINCAK TINCAKNA MUN LAIN TINCAKEUNANA, NU KAGENEP PANAC TUNGGAL ULAHLAH SA ...NA MUN LAIN ...KEUNANA, (KULA TEU WASA NYEBUTKEUNANA). MUN DILENYEPAN KU URANG ETA OROK BARANG GUBRAG KA ALAM DUNYA GEUS DIBEKELAN KU ELMUNING KAHIRUPAN, NU MATAK KARUHUN SUNDA TEH KACIDA TOS PALINTERNA, HANJAKAL KIWARI ETA KABIASAAN TOS AMPIR PUNAH, KAGELE KU MODERENISASI, TAPI DI SAWATARA TEMPAT MASIH KAPENDAK KENEH, SAKITU HEULA NYA MANGGA LENYEPAN.
· · Bagikan
Tidak ada komentar:
Posting Komentar